SOS AFRICA- Afrikarekiko Elkartasun Zerbitzua
Garapenerako elkarkidetzako erakundea da. Haren helburu eta egitasmo
garrantzitsuenen artean, haur eta gazteenganako arreta da azpimarragarria.
Txirotasunaren itzalaren azpian dauden eremu horietan diren arazoen
tamainaz jabetuta, SOS AFRICAk hainbeste ezbehar, ahal den heinean,
konpontzeko beharrezko bideak bilatu nahi ditu, “biderik gabe
konponbiderik ez” dagoelako uste osoan. Bere helburuekin uztartuz, SOS
AFRICA - Afrikarekin Elkartasun Zerbitzuak “Cantos de Contento” (Poz
Abestiak) egitasmo diskografikoa jarri du abian.
ZER DEN
“Cantos de Contento” beren ekitaldi liturgikoak
girotu nahi dituzten mundu guztiko kristau komunitateei opatzen diegun
kantu baliabidea da. Egiatan uste dugu kantuok helburu hori lortuko
dutela.
“Cantos de Contento” elkartasun proiektua ere bada
eta bere onuradun nagusiak Kenyako eskualde pobre eta ahaztuetako
neska-mutikoak dira, zeinen miseria eta etsipena zuzenean ikusi eta
konpartitu duten. Zure laguntza behar dute benetan.
NORTZUK
a) Musikagilea
Musikagilea Nguema Emaga Eyui da. Ekuatore Gineakoa
da, txikitan Ama Kontzepzionisten eta Andre Maria Sortzez Garbiko bertako
lekaimeen arretapean hazi zen. Batxilergoa aita klaretarrekin egin zuen
Espainian, Castro Urdialesen eta Granadan. Teologia Ikasketak egin zituen
Granadako Teologia Fakultatean eta Catalunyako Teologia Fakultatean (Sant
Cugat eta Bartzelona), non Doktoretzako ikastaroak bukatu zituen.
Inkulturazioaren Teologiaren defendatzaile, Emaga Eyui Teologian
lizentziatu zen Catalunyako Teologia Fakultatean eta Filosofia eta
Hezkuntza Zientzietan Bartzelonako Unibertsitatean.
b) Serora abeslariak
Disko hau serora parte-hartzaileen ikaragarrizko
ahaleginaren ondorioa da. Guztiak kenyatarrak dira eta beren eskualdeak
miseriak, goseak, lehorteak eta gaixotasunak zigortuta daude, horregatik
erabaki dute hola aritzea, betiere beraien komunitateek babesturik.
Hemen Afrikarako laguntza ofiziala lortzea zeinen
zaila den ohartuta, Jaungoikoaren eta kristauen laguntzarekin hainbeste
ezbehar konpondu ahal izateko bideak bilatzea erabaki dute.
“Jaungoikoari erreguz, kantuari mailuz”. Beren
otoitza ekintzatzat hartzen dute; beren kontenplaziozko bizitza
aktibotzat; besteei dieten maitasuna eraginkorra behar delakoan daude
(“hobe dira lanak, ezi ez erranak”).
Egun seroretako batzuk era aktiboan aritzen dira
lanean SOS AFRICArekin, euren jatorrizko aldeetako haur populazioen bizi
baldintzen hobekuntzarekin erlazionaturiko egitasmoetan.
“Poz Abestiak”en edizio honetan serora hauek hartu
dute parte:
1
REGINA MBITHE MBITHI
2
ROSALIA MWELU MUTHOKA
3
CATHERINE MWIKALI NZIOKI
4
JANE NDUKU KALOKI
5
JACINTA MUTIO MUITYA
6
CHRISTINE NGAMI MASAVU
7
MARY MUSEMBI
8
ROSE MARY MUENI
9
JULIANAH KANINI KILONZO
10
ELISABETH MBOVI MUTISYA
c) Zorionez, parte hartu duten serora guztien
komunitateek ulertu dute egindakoa eta beren laguntza eman diete.
Ondorengo komentuetatik datoz:
·
Karmeldar serorak
Amor Divinoaren monasterioa
Tárrega (Lleida)
·
Karmeldar serorak
Karmengo Jainkoaren Amaren monasterioa
Vilafranca del Penedés (Bartzelona)
·
Karmeldar serorak
Gizakundearen monasterioa
Bartzelona
·
Mesedetako serorak
Mesedetako Serora Oinutsen komentua
Arcos de la Frontera (Cádiz)
NORENTZAT
Onuradun nagusiak arestian aipatutako eskualdeetako
populazioak izango dira, bereziki Kenyakoak, eta bereziki neska-mutikoen
eskolatzean eta hezkuntza azpiegituren eraikuntzan eraginen da.
Seroretariko batek idatzi duen bezala, “nire herria oso txiroa da.
Hara joaten naizen batzuetan, bihozmina ematen
didate hain txirotasun handiak eta haurren sufrimenduak; umezurtz eta
aitarik gabeko haur asko dago. Maiz etxera etortzen zaizkit eskolara joan
ahal izateko aita-amabitxiak bila diezazkiedan eskatzera, baina nik ez
dakit zer erantzun”.
Beste gabezia batzuk direla eta (urik ez dago,
adibidez), “nire ustez, garrantzitsuena haurrak ondo hezita handitu ahal
izatea eta etorkizun hoberako laguntza izatea da. Horregatik, behar
guztien artean, haurren hezkuntzaren alde egiten dut”.
KANTAK
Abesten dituzten kantak gazteleraz daude, eta bik
katalan bertsioa dute. Azpimarratu behar da guztien ama hizkuntza kanba
dela; beren herrialdeko hizkuntza ofizialak kiswahilia eta ingelesa dira;
beren adopzio-hizkuntzak bi dira gaur egun: gaztelera eta katalana.
Kantatu ahal izateko, ahoskera ahalegin txalogarria
egin dute. Eta emaitza ona da. “poz abesti” hauek munduko edozein lekutan
kanta daitezke, edozein gaztelaniadun kristau komunitatetan.
“Cantos de Contento” honek, Bibliako eta Afrikako
ohiturekin bat eginez, kanta alaiak eskaintzen ditu komunitate
dinamikoenen ekitaldi liturgikoak animatzeko, Jainkoa goresteko baliabide
guztiak erabiliz: txaloak, poz garrasiak, gorputz mugimenduak, dantza eta
abar.
NON ETA NOIZ
Bartzelonan egin zituzten grabaketak, SOS AFRICAREN
egoitzan, maiatzaren 22tik 25era, biak barne. Diskoaren argitalpena eta
aurkezpen ekitaldi publikoa Bartzelonan uda ondoren egiteko asmoa dago.
Beste hiriburu batzuetan aurkezpenak egiteko datak
jarriko dira. Grabaketak egin baino aste batzuk lehenago, serora
bakoitzari bidali zitzaizkion “Cantos de Contento” proiektuaren azalpen
dossierra eta ikasi beharreko kantak zituen CDa.
Bartzelonan egonik, entsegu orokorra egin zen
guztiekin. Abestiak ikasita zituzten, bai horixe. Soilik doikuntza xume
batzuk egin behar izan ziren eta horrek ahalbidetu zuen ‑eta nahiko ongi‑
grabaketen arintasuna.
PROMOZIOA
Jarritako helburuak lortzeko asmoz, SOS AFRICAk
kristau instituzio guztien, parrokia, komentu eta elkarteen eta oro har
komunikabideen (telebistak, irratiak, egunkariak, aldizkariak, e.a.)
laguntza eskatuko du.
ESKARIAK
Eskariak egin ahal izango dira:
1
Posta arruntaz (jasotzean ordaintzeko)
2
Dirua banku kontu batean sartuz
3
Posta elektroniko bidez
4
Interneteko orrialdetik
5
SOS AFRICAren egoitza nagusian
6
Erlijio musika saltzen duten liburu eta disko
dendetan
7
Telefonoz: 93 412 66 77 – 902 42 62 62
