SOS ÁFRICA – Servizo de
Solidaridade con África é unha Organización de Cooperación ó Desenrolo.
Entre os seus obxectivos e proxectos máis importantes subliña-la
atención á infancia e á mocidade. Concienciada da magnitude dos
problemas existentes nestas zonas baixo a sombra da pobreza, SOS ÁFRICA
propúxose atopa-los medios necesarios para poñer remedio, na medida do
posible, a tantos males, no convencemento de que “sen medios, non hai
remedios”. Enlazando cos seus obxectivos, SOS ÁFRICA – Servizo de
Solidaridade con África puxo en marcha o proxecto discográfico “Cantos
de Contento” (Cantigas de Ledicia).
QUE É
"Cantos de Contento" é un
recurso baseado en cantigas que facilitamos ás comunidades cristiás de
todo o mundo que queiran anima-las súas celebracións litúrxicas. Cremos
no máis profundo que as cantigas conseguirán este obxectivo.
"Cantos de Contento" é
tamén un proxecto de solidaridade no que os principais beneficiarios son
os rapaces e rapazas das rexións máis pobres e esquecidas de Kenia, onde
a miseria e a desesperación camiñan xuntas. Verdadeiramente precisan da
túa axuda.
QUEN
a) O Compositor
O compositor é Nguema
Emaga Eyui. Orixinario de Guinea Ecuatorial, de pequeno medrou baixo os
coidados das Madres Concepcionistas e das Relixiosas nativas de María
Inmaculada. Realizou os seus estudos de Bacharelato en España cos Padres
Claretianos, en Castro Urdiales e Granada. Cursou os seus estudos de
Teoloxía na Facultade de Teoloxía de Granada e na Facultade de Teoloxía
de Cataluña (Sant Cugat e Barcelona), onde concluíu os cursos de
Doutorado. Defensor da Teoloxía da Inculturación, Emaga Eyui é
licenciado en Teoloxía pola Facultade de Teoloxía de Cataluña e en
Filosofía e Ciencias da Educación pola Universidade de Barcelona.
b) As relixiosas
cantantes
Este disco é o resultado dun meirande esforzo
das relixiosas que o fixeron posible. Todas elas son orixinarias de
Kenia e proveñen das rexións máis afectadas pola miseria, a fame, a
seca, as enfemidades, razóns polas que se decidiu actuar sempre co apoio
das súas comunidades. Conscientes das dificultades que acarrexa atopa-la
axuda oficial para África, decidiron deste xeito procura-los medios para
poder pór remedio a tantos males, coa axuda de Deus e dos cristiáns. "A
Deus pregando e co canto dando". Entenden que a súa oración é acción;
que a súa vida contemplativa é activa; que o seu amor ós demáis debe ser
operativo (“obras son amores”). Na
actualidade algunhas das relixiosas colaboran activamente con SOS ÁFRICA
en proxectos relacionados coa mellora das condicións de vida das
poboacións infantís nas zonas das que
proveñen. Nesta edición de Cantigas de Ledicia ("Cantos de Contento")
colaboran as seguintes relixiosas:
1
REGINA MBITHE MBITHI
2
ROSALIA MWELU MUTHOKA
3
CATHERINE MWIKALI NZIOKI
4
JANE NDUKU KALOKI
5
JACINTA MUTIO MUITYA
6
CHRISTINE NGAMI MASAVU
7
MARY MUSEMBI
8
ROSE MARY MUENI
9
JULIANAH KANINI KILONZO
10
ELISABETH MBOVI MUTISYA
c) Por sorte, tódalas
relixiosas participantes contaron coa comprensión e o apoio de cadansúa
comunidade. Proceden dos seguintes mosteiros:
- Relixiosas Carmelitas
Mosterio del Amor Divino
Tárrega (Lérida)
- Relixiosas Carmelitas
Mosterio Madre de Dios
del Carmen
Vilafranca del Penedés
(Barcelona)
- Relixiosas Carmelitas
Mosterio de la
Encarnación
Barcelona
- Relixiosas Mercedarias
Convento Mercedarias
Descalzas
Arcos de la Frontera
(Cádiz)
PARA QUEN
Os principais beneficiarios serán as poboacións
necesitadas das rexións que citamos con anterioridade, dun modo
particular en Kenia, incidindo sobor de todo na escolarización dos nenos
e das nenas, e tamén na construcción de infraestruturas educativas. Como
escribe unha das relixiosas: "o meu pobo é moi pobre. Ás veces, cando
vou alá, dáme pena tanta pobreza e cómo sofren os nenos; hai moitos
orfos e rapaces sen pai. Moitas veces veñen á miña casa a pedir que lles
atope padriños para poder ir á escola, pero eu non sei qué contestar".
Ante outras carenzas (non hai auga, por exemplo), "para min o máis
importante é que os nenos podan medrar ben educados e que teñan axuda
para un futuro mellor. Por iso decántome, dentro de tantas necesidades,
pola educación dos nenos".
AS CANCIÓNS
As cancións que cantan están en castelán, e hai
dúas versións en catalán. Fai falla destacar que a lingua nai de todas
elas é o kamba; as linguas oficiais do seu país son o kiswahili e o
inglés; as súas linguas adoptivas actuais son dous: o español e o
catalán. Para poder canta-las cancións ou cantigas todas elas fixeron un
meritorio esforzo de pronuncia. E o resultado é bo. Estas "cantigas de
ledicia" poden ser cantadas en calquera parte do mundo, en calquera
comunidade cristiá hispanofalante. "Cantos de Contento" (Cantigas de
Ledicia), en sintonía coa tradición bíblica e africana, ofrece temas
ledos para anima-las celebracións litútxicas das comunidades máis
dinámicas, empregando tódolos recursos para louvar ó Señor: aplausos,
palmas, berros de ledicia, movementos corporais, danza,....
ONDE E CANDO
As gravacións tiveron lugar en Barcelona do 22
ó 25 de maio, ámbolos dous inclusive, na sede de SOS África. Está
previsto que o disco vexa a luz e sexa presentado en acto público en
Barcelona despois do verán. Estableceranse datas para a súa presentación
noutras capitais. Semanas antes das gravacións, enviouse a cada unha das
relixiosas un dossier explicativo e un CD adxunto que contiña as
cancións a aprender. Unha vez en Barcelona, houbo un ensaio xeral con
todas elas. En efecto, aprendéronse as cantigas. Só se tivo que facer
algúns pequenos axustes, cousa que facilitou -de abondo- a axilidade nas
gravacións.
PROMOCIÓN
Co fin de consegui-los obxectivos desexados,
SOS ÁFRICA solicitará a colaboración de tódalas institucións cristiás,
parroquias, mosteiros, conventos, asociacións e medios de comunicación
na súa amplitude (TVs, radios, xornais, revistas, etc.).
PEDIDOS
Os pedidos poderanse facer:
1
Por correo postal (contrarreembolso)
2
Ingreso en conta bancaria
3
A través do correo electrónico
4
Dende a páxina de internet
5
Na sede central de SOS ÁFRICA
6
En librarias e discografías de música
relixiosa.
7
Por teléfono: 93 412 66 77 – 902 42 62 62
